விஜயகாந்த் ஒரு சிங்கம்....!

                                        ஏய் யாரடா என் படத்தை தடுப்பது 

நேற்று ஒரு செய்தியை படித்தவுடன் எனக்கு பெரிய அதிர்ச்சி (என்ன செய்தியா.... இருங்க சொல்றேன், என்ன ஒரு ஆர்வம்....??! ) 

'எனது விருதகிரி படத்தை சிலர் தடுக்க முயற்சிக்கிறார்கள். ஒருவேளை என் படத்தைத் தடுத்தால், நான் யார் என்று காட்டுவேன், என்று ஆவேசப்பட்டார் விஜயகாந்த்' இது தான் அந்த செய்தி.  இதை படித்தவுடன் என்னால் தாங்க முடியவில்லை, விருதகிரி படம் வரும் அதை பார்க்கவேண்டும் என்று ஆவலோடு இருந்தேன், யார் தடுகிறார்கள் என்று சிங்கத்திடம் சாரி விஜயகாந்த் இடம் போய் கேட்கலாம் என கிளம்பி சென்றேன்...

நேராக விஜயகாந்த் வீட்டிற்கு சென்றேன் அங்க ஒரு கை தடுத்து "எங்கே வந்தாய் யார் நீ"  என்றது, நானும் யாரென்று பார்த்தேன் கேப்டன் படைகள் தான் அவை. 

நான் : சிங்கத்தை பார்க்க வந்தேன் 

கேப்டன் படை : அதுக்கு நீ வண்டலூர் ஜூ தான் போகனும்

நான் : விஜயகாந்தை பார்க்க வந்தேன் 

கேப்டன் படை : எதற்கு....?

நான் பேட்டி எடுக்கலாம் வந்து இருக்கேன், என்னை உள்ளே விடுங்கள் என்றேன்.  அப்போது உள்ளே இருந்து விஜயகாந்த் வந்தார்..... 'என்ன இங்கு பிரச்னை யார் தம்பி நீ...?'  நான் சார் 'நான் உங்களை பேட்டி எடுக்க வந்து இருக்கேன், உங்கள் படை என்னை உள்ளே விட மறுகிறார்கள் என்றேன் . உடனே  கேப்டன் படைக்கு திட்டு "யோவ் என்னை பேட்டி எடுக்க எவனாவது வர மாட்டானானு  நான் பார்த்து கொண்டு இருக்கேன், வந்த ஒருத்தனையும் விரட்டி அடித்து விடுவிங்க போல" 

நீங்க வாங்க தம்பி நான் பேட்டி கொடுக்கிறேன்.... 

நான், 'சார் நேத்து உங்கள் பேட்டியை பார்த்ததில் இருந்து எனக்கு தூக்கமே வரலை.  உங்கள் படத்தை வெளிவர விடாமல் யரோ தடுக்க முயற்சிக்கிறார்கள்  என்று கேள்வி பட்டவுடன்...எனக்கு என்ன செய்வது என்றே தெரியலை, விருதகிரி படம் எப்போது வரும் என்று நான் ஆர்வமாய் இருக்கேன்...?!

விஜயகாந்த் : கவலைபடாதீங்க தம்பி உங்களுக்கு மட்டும் தனியா போட்டு காட்டுறேன்...

நான் : சார் நான் ரொம்ப பயந்தவன், தனியா பார்க்கும் அளவுக்கு தைரியம் இல்லை....போன வாரம் கூட உங்க படம் ஒன்னு பார்த்தேன் 

விஜயகாந்த்  : போன வாரமா ...? போனவாரம் என் படம் ஒன்னும் ரீலிஸ் ஆகலையே. 

நான் : அப்படியென்றால் அது யார் படம் சார் நீங்க நடிச்ச படம் தான் நார்னியா படம் பார்த்தேன். அதில் நீங்க வருவிங்க ஆனா கிராபிக்ஸ் பண்ணி இருப்பாங்க 

எனது விருதகிரி படத்தை சிலர் தடுக்க முயற்சிக்கிறார்கள். ஒருவேளை என் படத்தைத் தடுத்தால், நான் யார் என்று காட்டுவேன், என்று ஆவேசப்பட்டார் விஜயகாந்த். 

நான் : இப்படி ஆவேசமா பேசுற அளவுக்கு யார் உங்களை தடுகிறார்கள்

 விஜயகாந்த்  : பின்ன என்ன தம்பி எங்க வீட்டுகாரம்மா தான் தடுக்கிறாங்க நான் சூட்டிங் கிளம்பும்போது  போது வெங்காயம் வாங்கிட்டு வா, தக்காளி வாங்கிட்டு வா, சொன்னா எனக்கு கோபம் தாங்கலை அதான்....!

நான் : என்ன சார் "நான் யார் என்று காட்டுவேன்" என்று சொல்லி இருக்கீங்க இது வரை நீங்க யார் என்று யாருக்கும் தெரியாதா...? அப்புறம் எப்படி கட்சி ஆரம்பித்தீர்கள்...?!

விஜயகாந்த் : அவன் அவன் யாருன்னு தெரிந்தா கட்சி ஆரம்பிக்கிறான் ( இதை சொல்லும் போது அவர் கண்கள் சிவந்தது ஓகே ஓகே கூல் கூல் என்று சொல்லி தப்பித்தேன்) 

விஜயகாந்த் : "எனது முந்தைய மெகா ஹிட் படங்களான தர்மபுரி, சுதேசி, சபரி போன்ற படங்களை வெளியிட முடியாமல் நிறைய பிரச்சினைகளைச் சந்தித்தேன். 

நான் : என்ன மெகா ஹிட் படமா மகா......... படம் ஆச்சே

நான் : சார் நீங்க கடவுள்யிடம் மட்டும் தான் கூட்டணி என்று சொல்றீங்க ஏன்..சார் ?

விஜயகாந்த் : மைண்ட்வாய்ஸ் (ஒருத்தனும் என்னை சேர்த்து கொள்ளமாட்டுறான் நான் என்ன செய்ய....!)  இப்போதும் சொல்றேன் எப்போதும் சொல்வேன் கடவுளிடம் மட்டும் தான் கூட்டணி ஏன்னா  அவர் தான் பங்கு கேக்க மாட்டார்

காங்கிரஸ் கட்சியிடம் நான் ரூ. 100 கோடி வாங்கிவிட்டதாக பேசுகிறார்கள். அ.தி.மு.க.விடமும் ரூ. 100 கோடி வாங்கி விட்டேன் என்கிறார்கள். அப்படி பணம் வாங்கி இருந்தால் விருதகிரி படத்தை ரிலீஸ் செய்ய இவ்வளவு கஷ்டப்படுவேனா... கேப்டன் டி.வி.யையும் எங்கேயோ கொண்டு போய் இருப்பேனே. 

நான் : என்ன சார் இப்போது உங்களிடம் 100 கோடி இருக்காமே

விஜயகாந்த் : அடப்பாவிங்களா என்னிடம் 100 கொடி கூட இல்லை

நான் : சார் உங்க கேப்டன் டிவியை எங்க சார் கொண்டு போவிங்களா அப்போ நாங்க எல்லாம் என்ன செய்வது (ஒரு வேளை அமெரிக்காவில்  ஆபிஸ் வைப்பாரோ ?) 

குறிப்பு : கேப்டன் டிவியில் வடிவேல் காமெடி போடுவது இல்லை 

நான் : சரிங்க சார் விருதகிரி எப்போது ரீலிஸ் 

விஜயகாந்த்  : படத்துக்கு தியேட்டர்கள் கிடைக்கவில்லை.

நான் : போங்க சார் அதற்கு எதுக்கு தியேட்டர்..?

நான் : சார் ஸ்பெக்ட்ரம் பத்தி கொஞ்சம் சொல்லுங்க  சார் 

விஜயகாந்த் : யார் தம்பி ஸ்பெக்ட்ரம் ஹிந்தி பட ஹீரோயினா..?

விஜயகாந்த் : தம்பி நானும் பார்த்து கொண்டே இருக்கேன் நீங்க ஏன் பயந்து பயந்து உட்கார்ந்து இருக்கீங்க 

நான் : பின்ன என்ன சார் சிங்கத்து கூட உட்கார்ந்து இருந்தா பயமா இருக்காதா....?

விஜயகாந்த் : வாங்க தம்பி பிரியாணி வாங்கி தரேன் ....!

ஒரு பிரியாணிக்காக எப்படி எல்லாம் பொய் சொல்ல வேண்டி இருக்கு 

தற்போதைய செய்தி : அடுத்த வாரம் முதல் விஜயகாந்த் கிளினிக் ஆரம்பிக்கிறார் அனைத்தும் இலவசம் டிசம்பர் 3ம் தேதியன்று   டாக்டர் பட்டம் வழங்கபடுகிறது

உங்களுக்கு ஒரு மகிழ்ச்சியான செய்தி இந்த பதிவை படித்த உங்கள் அனைவருக்கும் விருதகிரி படத்தின் டிக்கெட் இலவசமாக கிடைக்க உள்ளது 

	Tweet