பதிவர்கள் முன்னேற்ற கழகம்....

                                                        

                                                      

எதற்கு உங்களை இங்கு அழைத்தேன் என்றால் நீண்ட நாட்களா என்னை எப்போது கட்சி தொடங்க போறிங்கனு  கேட்டு வந்தார்கள்  என் தொண்டர்கள்.   நானும் மேல இருப்பவன் சொல்லவேண்டும் என்று சொல்லி வந்தேன். இப்போது தான் எங்க வீட்டு மேல இருப்பவர் சொன்னார் நீங்கள் இப்போ கட்சி தொடங்கலாம் என்றார் அதனால்  உடனே கட்சி தொடங்கலாம் என்று முடிவு எடுத்து விட்டேன், மேல இருப்பவன் சொல்லி தான் நான் எதையும் செய்வேன். அறிமுக மாநாடு அன்று உங்களை சந்திக்கிறேன்.. கட்சி பெயர் ப.மு.க. (பதிவர்கள் முன்னேற்ற கழகம்).        

பதிவர்கள் முன்னேற்ற கழகம். அறிமுக மாநாடு.        

வரவேற்புரை:கோமாளி செல்வா 

இங்கு வந்து இருக்கும் அனைவருக்கும் என் முதல் வணக்கத்தை தெரிவித்து கொள்கிறேன். எதையாவது தொலைத்து விட்டு தேடிக்கொண்டு இருக்கும் அரபு நாடு தேவா அவர்களே... சிங்கப்பூரில் இருந்து வந்திருக்கும் செந்தில் அவர்களே...சுடுதண்ணி புகழ் ஜெய்லானி அவர்களே.... நாஞ்சில் எக்ஸ்பிரஸ் ஓட்டி கொண்டு இருக்கும் நாஞ்சில் அவர்களே... திண்டுக்கல் மாவட்டத்தை சேர்ந்த ஜெயந்தி அவர்களே.... பெண்களுக்கு சமைக்க தெரியாது என்று தெரிந்து சமயல் குறிப்பு தரும் (US) உழவர் சந்தை அன்புடன் ஆனந்தி அவர்களே.....மற்றும் ஜெயமாறன் அவர்களே, வில்சன் அவர்களே, ஜீவன் அவர்களே, ரொம்ப நல்லவன் ரமேஷ் அவர்களே, அனைவரையும் வருக வருக என வரவேற்கிறேன்.... 

அடுத்தாக தேவா அவர்கள் பேசுவார்...

நான் நம்ம தலைவர் அவர்களை எப்போதோ இருந்து சொல்லிவருகிறேன். நமக்கு இருக்கும் ரசிகர் கூட்டத்துக்கு நாம் தான் 2011 ஆட்சியை புடிப்போம், என்று சொல்லி வந்தேன். தலைவர் எனக்கு போன் செய்து நான் கட்சி தொடங்க போவதாக சொன்னார், என் தேடலை ஒத்தி வைத்து விட்டு  வந்து விட்டேன்.   நிச்சயம்  2011 நமது ஆட்சி தான், வளர்க ப.மு.க... வளர்க தலைவர் குடும்பம்...நன்றி வணக்கம்.....என் தேடல் தொடரும்....

அடுத்து செந்தில் அவர்கள் பேசுவார்....

மேடையில் அமர்ந்து இருக்கும் என் நண்பர் தேவா அவர்களே, மற்றும் இங்கு அமர்ந்து இருக்கும் பெரியோர்களே, தாய்மார்களே, என் உயிர்க்கும் மேலான தலைவர் அவர்களே.... நீங்கள் கட்சி தொடங்க போவதாக என்னிடம் சொன்னீர்கள்... அப்போது  நான் சிங்கப்பூரில் வேலை செய்து கொண்டு இருந்தேன் உடனே அந்த முதலாளியை விடுமுறை கேட்டேன் அவன் இல்லை என்றான் நான் அவனை ஓங்கி ஒரு அறை அறைந்தேன்.வருடம் முழுவதும் விடுமுறை கொடுத்து விட்டான். தலைவரே உங்களுக்காக என் வேலையை தியாகம் செய்து இருக்கிறேன்; அந்த 40 கோடியில் எனக்கும் எதாவது செயுங்கள் தலைவரே...

எங்கள் தலைவன், கருமை நிற கண்ணன் பேச்சிலே மன்னன், சிந்தை சிற்பி, சயனைடு குப்பி, செயல் சிங்கம், பிரச்சர பிரங்கி, ஒருவாரம் ஆனாலும் எதிரிகளை நேருக்குநேர் சந்திக்க கூடிய போர் குணம் கொண்ட போர் வாள்,என்று போற்ற படும் எங்கள் தலைவர்.. இப்போது பேசுவார்..

பெரியோர்களே தாய்மார்களே,மற்றும் என் வலை பதிவு உறுப்பினர்களே, அனைவருக்கும் வணக்கம், எனக்கு ரசிகர் கூட்டம் நாளுக்கு நாள் அதிகரித்து கொண்டே போவதால் என்னை கட்சி தொடங்கும் படி நீங்கள் வற்ப்புறுத்தி கேட்டு கொண்டதால் இந்த கட்சி தொடங்கினேன், எனக்கு பதவி ஆசை கிடையாது.. ஓரு 40 கோடி 50 கோடி வாங்கி விட்டு, ஆண்டவன் கிட்ட தான் கூட்டணி என்று சொல்வேன்...மேலும் இப்படி ஓரு கட்சியை ஆரம்பித்து மக்களை குழப்புவது தான் எங்கள் திட்டம்.

           

தலைவர்:சௌந்தர்          

துணை தலைவர்:விஜய் 

பொருளாளர்: தேவா 

செயலாளர் :கே.ஆர்.பி.செந்தில்   

கொள்கைபரப்பு செயலளர்:நாஞ்சில் பிரதாப்

மற்ற பதவி எல்லாம் யார் யார் எவ்வளவு பெட்டி தருவிர்களோ அவர்களுக்கு பதவி தரப்படும்...

மாநாட்டு தீர்மானம்

1 அனைவருக்கும் இனைய செலவு அரசே ஏற்க்க வேண்டும்

2 வைரஸ் வராமல் தடுக்க அனைவர் வீட்டுக்கும் சென்று அவர்கள் கணினி மீது ப்ளீசிங்  பவுடர் அடிக்க வேண்டும்.

3 பதிவுகளுக்கு அரசே ஆட்களை வைத்து ஓட்டு போட வைக்க வேண்டும்    

4 பதிவர்களுக்கு z பிரிவு பாதுகாப்பு கொடுக்கவேண்டும் 

5 பதிவர்களுக்கு பாரத ரத்தனா விருது வழங்க வேண்டும் 

6  பதிவிற்கு மாதம் 1000 ஊக்க தொகை தரவேண்டும் 

7 எங்கள் அரபு நாட்டு தேவா எதையோ தொலைத்து விட்டு தேடி கொண்டு இருக்கிறார் அதை கண்டு பிடித்து தரவேண்டும். 

8 நாங்கள் ஆட்சியை அமைக்க நீங்கள் ராஜனாமா செய்து விட்டு எங்களுக்கு பதவி பிரமானம் செய்து 

வைக்க வேண்டும்.

9 செந்தில் அவர்களின் பதிவுகளை நாட்டுடமை ஆக்க வேண்டும்.

ஜெயமாறன்: இப்போது நன்றி உரை 

மைக்ரோசப்ட் துறைக்கு நன்றி, இனைய சேவை அளிக்கும் b,s,n,l மற்றும் மின்சார துறைக்கு நன்றி,இந்த மாநாட்டுக்கு வந்த  அணைவருக்கும் நன்றி நன்றி நன்றி........  

	Tweet