கலாச்சார மாற்றம் ............. இது தேவையா...?

இப்பொழுது பதிவுலகில் எது கலாச்சாரம் என்ற பதிவுகள் தான் ஓடி கொண்டு இருக்கிறது அனைவரும் அவர் அவர்களுக்கு தெரிந்த (பிடித்த) கலாச்சாரம் பற்றி எழுதுறாங்க நானும் கலாச்சாரம் என்றால் என்ன..? சொல்றேன் 

முன்னோர்கள் காலத்தில் கணவன் இறந்து விட்டால், மனைவியை கணவர் உடன் எரித்து விடுவார்கள்...இது ஒரு கலாச்சாரம் .....இது நல்ல கலாச்சாரமா....? இல்லை அதனால் இதை எல்லாம் எதிர்த்தார்கள் அதனால் அந்த கலாச்சாரம் இப்போது இல்லை. கலாச்சாரம் என்பது மாநிலத்திற்கு மாநிலம், நாட்டுக்கு நாடு வேறு படும்.மதத்திற்கு மதம் வேறு படும்,

எங்க தாத்தாவுக்கு அம்மா எல்லாம் (பாட்டி) சட்டையே போட்டு இருக்க மாட்டாங்க ஆனா அப்போ அதான் கலாச்சாரம் அப்பறம் சட்டை போட்டாங்க வெறும் புடவை தான். பிறகு பாவாடை சட்டை போட்டாங்க, சுடிதார், இப்போ பேன்ட் ஷார்ட்ஸ் போடுறாங்க ஆடைகள் விஷயத்தில் கலாச்சாரம் மாறினால் பரவாயில்லை ஆனால் எந்த இடத்திற்கு போகிறோமோ அதற்க்கு ஏற்றார் போல் ஆடை அணிய வேண்டும்..

எப்போதும் நமக்கு வெளிநாட்டு கலாச்சாரம் மேல் தான் மோகம் வெள்ளைக்காரன் எது செய்தாலும் அதை நாம் உடனே செய்து விடுகிறோம் வெள்ளைக்காரன். சூரியகுளியல் குளிக்கிறான் என்றால் அவன் நாட்டில் சூரியன் ஒளி சில மாதங்கள் மட்டும் தான் வரும் அதனால் சூரியசக்தி வேண்டும் என்று அப்படி செய்கிறார்கள். அதே மாதிரி நாமும் செய்ய முடியுமா...? வெளிநாட்டுக்காரன் செய்யும் நல்லது எல்லாம் நம்ம மக்கள் கண்களில் படாது எது நமக்கு கெடுதலோ அதை தான் தேர்ந்தெடுப்போம். வெளிநாட்டு காரர்கள் ஏன் நமது கலாச்சாரம் பிடிக்கிறது ஒருவனுக்கு ஒருத்தி என்று இருப்பதால் தான் 

திருமணம் செய்து கொள்ளாமல் கணவன் மனைவி போல சேர்ந்து வாழ்வது அதான் LIVING TOGETHER (அப்படிதானே...? எங்க பாக்குறீங்க உங்களை தான் கேட்கிறேன்???) 

ஏன் இப்படி LIVING TOGETHER முறை இவர்கள் தேர்ந்துஎடுக்கிறார்கள் என்றால் "பார்த்து பார்த்து" திருமணம் செய்து அதில் பிரச்னை வந்து விவாகரத்து செய்து கொள்வதை விட சிறிதுநாட்கள் பழகி விட்டு பிடித்து இருந்தால் கல்யாணம் செய்துகொள்வார்கள் இல்லை என்றால் பிரிந்து விடுவார்கள் அதுதான் LIVING TOGETHER,யார் இதை கண்டுபிடித்தார்கள் என்று தெரியவில்லை....   

கொஞ்சம் டவுட்:)))))

*  LIVING TOGETHER வாழ்க்கையில் இவர்களுக்கு குழந்தை பிறந்து விட்டது என்றால் இவர்கள் பிரியும் போது அந்த குழந்தையின் எதிர்காலம் கேள்விகுறி..?  

*  திருமணம் ஆகி இருந்தால் தன் மகன் வீடு மகள் வீடு என்று உரிமையுடன் போக முடியும் ஆனால் LIVING TOGETHER முறையில் வாழ்ந்தால் அவர்கள் வீட்டுக்கு போக முடியுமா, போனாலும் உரிமையுடம் இருக்க முடியுமா..? இல்லையென்றால் அவர்களே சென்று முதியோர் இல்லத்தில் சேர்ந்து விட வேண்டியதுதான்...! ஆமாம் தனித்தனியே வாழும் மனுசங்களுக்கு யாரு இருப்பா வயசான காலத்துல பாத்துக்க....????

*  வெளி நாட்டில் LIVING TOGETHER முறையில் பிறந்த குழந்தைகள் அவர்கள் பிரிந்தவுடன் சர்ச் அல்லது காப்பகத்தில் வளர்க்கப்படுகிறார்கள் அந்த குழந்தைகள் மனஅழுத்தத்திற்கு ஆளாகிறார்கள் என்று சொல்கிறார்கள் 

*  இது ஆண்களுக்கு சாதகமான விசயம் LIVING TOGETHERமுறையில் வாழ்தால் ஜீவனாம்சம் கிடைக்காது.

டவுட் இன்னும் இருக்கு இப்போதைக்கு இது போதும்...

அனைத்திற்கும் ஒரு விதி இருக்கிறது சூரியனை பூமி சுற்றுவது ஒரு விதி, அதை மாற்றி சுற்ற வைக்கிறேன் என்று சொன்னால் என்ன நடக்கும் உலகம் அழியும் அதே போல் நமக்கு என்று கட்டுபாடு இருக்கிறது அதை மாற்றி செய்தால் நம் வருங்கால சந்ததியினர் பாதிக்கப்படுவர்கள். சந்ததியினர் எல்லாம் தெளிவான இரு வாழ்க்கை வாழ வேண்டுமா...இல்லை எனக்கு பிடிச்சத நான் செய்வேன் என்ற யாருடனும் ஒத்துப் போகாத அகங்கார படுகுழியில் விழ வேண்டுமா? ஆமா.. நான் கேக்குறேன்....நான் நான்னு வாழ்ற ஒரு வாழ்க்கை வாழ்க்கையாங்க...?   நினைச்சு பாக்கவே கேவலமா இருக்கு...... 

"அட அட என்ன என்னமோ பேசிட்டு போறேனே நான் சொல்ல வந்ததை சொல்லிட்டு போறேன்" எங்கநாட்டு கலாச்சாரதிற்கு இந்த வாழ்க்கை முறை ஒத்து வராது எங்களுக்கு காதல் திருமணம் இருக்கு, பெரியோர்களால் நிச்சயக்கப் பட்ட திருமணம் இருக்கிறது. உங்களுக்கு LIVING TOGETHER வாழ்கை முறை பிடித்து இருந்தால் அந்த வாழ்க்கை முறையை நீங்கள் பின்பற்றுங்கள் உங்கள குழந்தைக்கு அந்த வாழ்கைமுறையை பின்பற்ற சொல்லுங்கள், 

ஏழைகள் இப்படி LIVING TOGETHER என்ற முறையை தேர்ந்துஎடுப்பது இல்லை பணம் கொளுத்து போய் இருப்பவர்களும் வெளிநாட்டில் இருக்கும் சிலரும் இந்த முறை புனிதமானது என்று சொல்கிறார்கள்

	Tweet