நண்பேண்டா....நண்பேண்டா...

நீண்ட நாட்களுக்கு பிறகு முழுநீள நகைச்சுவை திரைபடம் வில்லன் இல்லை ஓப்பனிங் சண்டை இல்லை, அட படத்தில் சண்டேயே இல்லை, ஆரம்பம் முதல் முடிவு வரை ஒரே சிரிப்புதான்.

ஆர்யா ஏழு வருடங்களாக அரியர் எழுதிக்கொண்டு வெட்டியா ஊர் சுற்றி கொண்டு இருக்கிறார், சந்தானம் முடி திருத்தும் நிலையத்தை நடத்தி வருகிறார் ஆரியாவுக்கும் சேர்த்து சந்தானம் செலவு செய்கிறார், ஆரியா "நண்பேண்டா” என்று சொல்லியே காரியம் சாதித்து விடுகிறார்.

   

ஆர்யாவின் அண்ணன் சரவணனுக்கு ஒரு பெண்ணைப் பிடித்துப் போக இரு வீட்டார் சம்மதத்துடன் திருமணம் நடக்கிறது, ஆர்யாவின் அண்ணியின் தங்கை தான் இந்த நயன்தாரா. அண்ணியிடம் தான் காதலிக்கும் நயன்தாராவை பெண் கேட்க்கிறார் அவரோ உன்னை போன்ற உதவாக்கரைக்கு எதை நம்பி என் தங்கையை கொடுப்பது, உனக்கும் ஒரு தங்கை இருக்கிறாள் அவளுக்கு உன்னை போன்ற ஒரு உதவாகரைக்கு, திருமணம் செய்து வைப்பீர்களா என்று ஆர்யாவின் அண்ணி மறுத்துவிடுகிறார். இதனால் கோபப் பட்டு நானே சொந்த காலில் நின்று என் தங்கைக்கு கல்யாணம் செய்து வைத்து விட்டு, பிறகு உங்க தங்கையை பெண் கேட்கிறேன் என்று "சபதம்" போட்டு , வீட்டை விட்டு வெளியேறுகிறார் ஆரியா. தன் சபதத்தில் வெற்றி பெற்று நயன்தாராவை கரம் பிடித்தாரா? என்பதே மீதி கதை 

இந்த படத்தில் கதை என்று ஒன்றும் கிடையாது, திரைக்கதை மட்டுமே இருக்கிறது நகைச்சுவையை நம்பியே எடுக்கப்பட்ட படம். ஒவ்வொரு காட்சியிலும் சந்தானம் காமடி செய்து இருக்கிறார். படத்தில் சந்தானம் "ஹீரோவா" அல்லது ஆரியா "ஹீரோவா" என்று கேட்க வைக்கிற அளவுக்கு பட்டயை கிளப்புகிறார் சந்தானம்.

முதல் காட்சியில் ஆரியா அருவாளை எடுத்து கொண்டு யாரையோ வெட்டுவதற்கு ஓடுகிறார், அது யார் அப்படியே பிளாஷ் பேக் ....யாரை வெட்ட போகிறார் என்று பார்த்தால் பல்பு வாங்குவோம், 

ஆரியா பிட் அடிக்கும் காட்சியில் இவரை எல்லோறோம் ஓட்டுறாங்க, அவர் தங்கை எப்படியாவது இந்த தடவை பெயில் ஆகிடு அடுத்த வருஷம் நம்ம ஒண்ணா பரிட்சை எழுதுவோம் சொல்றாங்க.

ஆர்யாவின் அம்மா எப்படியாவது பிட் அடிச்சாவது பாஸ் ஆகிடு என்னால் வெளியே தலை காட்ட முடியலை என்று சொல்றாங்க இப்படி அம்மா யாருக்கு கிடைப்பாங்க, 

அரியர் எழுதும் இடத்தில் சாமி நாதன் நண்பர் இவர் குடும்பத்துடன் வந்து அரியர் எழுதுகிறார் கேட்டால் குடும்பத்தில் பிக்னிக் போகணும் சொன்னங்க அதான் இங்க கூப்பிட்டு வந்தேன் சொல்வார் சாமிநாதன், ஆரியா பிட்டு வைத்து இருப்பதை பார்த்து என்ன பாஸ் பிட்டு எல்லாம் வைத்து இருக்கீங்க பாஸ் ஆகிட போறிங்க என்று சொல்லும் போது சிரிப்பலை   

பிட் அடிப்பதை பற்றி நயன்தாரா விடமே .  சொல்லிவிட்டு பரிட்சை அறையில் நயன்தாராவை பார்த்து விட்டு பேச்சே வராமல் நிற்கிறார் ஆரியா, இதில் சாமிநாதன் வேற சேர்ந்து கொள்கிறார் கை தட்டலில் தியேட்டரே அதிர்கிறது பிட்டுக்கே பிட்டு வைத்த பெருமை ஆரியாவையே சேரும் 

நயன்தாரா பார்டன் ..பார்டன்... (pardon) சொல்வாங்க அதற்கு அர்த்தம் புரியாமல் ஆரியா தவிப்பார், சந்தானம் உன்னை பாட்டு பாட சொல்றா, அதை கேட்டு போய் ஆரியா பாட்டு பாடி காட்டுவார் பார்டன் என்றால் நீங்க சொல்றது புரியலை மறுபடி சொல் என்று அர்த்தமாம் இவங்க சொன்ன பிறகு நமக்கே புரியுது,

"நான் கடவுள்" வில்லன் ராஜேந்திரனும் சில காட்சிகளில் வருகிறார் இவர் தான் வில்லன் என்று நினைத்தால் இவரும் காமடி செய்கிறார் 

சந்தானம் கடையை வைத்து கடன் வாங்குகிறார் கடனை அடைக்க வில்லை என்றால் மாடு மேய்க்கணும் என்று ராஜேந்திரன் மிரட்டுகிறார்... டுட்டோரியலில் ஏதாவது செய்து ஆட்கள் சேர்க்க வேண்டும் என்று இவர்கள் செய்வது நல்ல சிரிப்பவை வர வைக்கிறது கண்தெரியாத பெண்ணை இறுதியில் நேர்த்தியாக உபயோகப்படுத்தியிருப்பதில் இயக்குனரின் திறமை வெளிப்படுகிறது...கண் தெரியாத நானே MSC படித்து இருக்கும் போது நீங்க பத்தாவது பாஸ் பண்றது ஒன்னும் பெரிய விசயம் இல்லை, என்று ஒரு வரியில் சொல்லிவிடுகிறார் இயக்குநர் இந்த காட்சியை சொல்லிய விதம் அருமை.

டுட்டோரியலில் பாஸ் ஆகவில்லை என்றால் பணத்தை திருப்பி தருவதாக விளம்பரம் செய்றாங்க சகிலாவை அழைத்து வந்து பாடம் நடத்த சொல்லி நயன்தாராவிடம் நல்லா திட்டு வாங்குகிறார்கள.

நயன்தாரா பற்றி சொல்வதற்கு ஒன்றும் இல்லை ஏதோ ஒரு சில காட்சியில் வருகிறார் மிகவும் மெலிந்து இருக்கிறார் 

நடிகர் ஜீவா ஒரு சின்ன வேடத்தில் நடித்து இருக்கிறார் அவர் வரும் காட்சியில் கலகலப்பு நயன்தாராவின் அப்பாவை பார்த்து "மாமா ஒரு குவாட்டர்" சொல்லு என்ற கட்சியில் இன்னும் தியேட்டேர் அதிர்கிறது.. 

சிவா மனசுல சக்தி படத்தின் பாதிப்பிலிருந்து டைரக்டர் மீண்டு வரவில்லை என்பது சில இடங்களில் தெரிகிறது 

யுவன்சங்கர்ராஜா தன் வேலையை நன்றாகவே செய்து இருக்கிறார். யார் இந்த பெண்தான் என்ற பாடலும் ..பாஸ்...பாஸ் என்ற பாடல்களும் அருமை.   ரொம்ப நேர்த்தியாக திரைக்கதை அமைத்திருக்கிறார் ராஜேஷ். காமெடியும் இதில் தூக்கலாகவே இருக்கிறது. இதனால் ராஜேஷின் இரண்டாவது வெற்றி உறுதி செய்யபட்டுஉள்ளது மொத்தத்தில் "பாஸ் மாஸ்" 

	Tweet