ஹிட்ஸ்............சீரழிவின் தொடக்கம்!

இப்போதைய பதிவுலக பேச்சு இது தான், தமிழ்மணத்தில் பதிவர்களை வரிசைப்படுத்துதல். எந்த பதிவர்களை பார்த்தாலும் இது தான் முதல் கேள்வி : தமிழ்மணத்தில் எத்தனையாவது ரேங்க்? . நான் நேற்று ஒரு பதிவரை சந்தித்தேன் அவர் என்னை கேட்ட கேள்விகள்  

"சௌந்தர் தமிழ்மணத்தில் நான் 5ஆம் இடம் நீ எந்த இடம்..?" 

"நான் 20 இடங்களில் வரவில்லை." 

"என்னப்பா எத்தனை நாட்களாய் பதிவு எழுதுகிறாய், இப்படி வரவில்லை என்று சொல்கிறாயே..?" 

"20 இடங்களில் வரவேண்டும் என்றால் தினமும் பதிவு போடவேண்டும். தெரியுமா.?" 

"நாங்களே சும்மா டைம் பாஸ்க்கு வந்து ஏதோ எழுதிட்டு போறோம் முடிந்தால் பதிவு எழுதுவோம் இல்லை எங்கயாவது கும்மி அடிச்சிட்டு போய்டுவோம். தமிழ்மனதில் top 20 யில் வரவேண்டும் என்பதற்காக எழுதவில்லை" என்றேன். உடனே அவர் "சும்மா சொல்லாதே நீ வரவில்லை. அதனால் இந்த பழம் புளிக்கும் என சொல்கிறாய்" என்றார்....சரி அதை விடு என்று வேறு பேச்சை எடுத்தார். மீண்டும் தமிழ்மணம் எங்கள் பேச்சுக்குள் நுழைந்தது. "இந்த வருடத்தில் தமிழ்மணம் 100 பதிவர்களை வரிசைப்படுத்தியுள்ளார்கள் தெரியுமா...?" என்றார் நானும் தெரியும் பார்த்தேன் என்றேன் நான் 10வது இடம் என்றார். நான் 79 வது இடம் என்றேன்...ஓஹ அப்படியா பரவாயில்லை...  

"தமிழ்மணம் traffic rank என்று ஒன்றை வெளியிட்டு இருக்கிறார்கள்...அதுவும் நன்றாக இருக்கிறது சௌந்தர் நீ எத்தனையாவது இடம்...?" என்றார்  

"அதை நான் இன்னும் பார்க்க வில்லையே" என்றேன்.  

"சரி சௌந்தர் ஏன் இப்படி தமிழ்மணம் விருது, வரிசை படுத்துதல் எல்லாம் செய்கிறார்கள்." என்று கேட்டார் அவர்.  

"அதையெல்லாம் பின்பு சொல்கிறேன் நீங்கள் ஏன் தினம் ஒரு பதிவு ரெண்டு பதிவு என்று போடுறீங்க" என்றேன்/ அதற்கு அவர் "நான் தமிழ்மணத்தில் வர வேண்டும் என்பதற்காக தான் அப்படி எழுதுகிறேன்." என்றார்.  

"தினம் பதிவு எழுதுவதற்கு என்ன செய்றீங்க" என்றேன்.  

"நிறைய வாரமலர் படிப்பேன் நிறைய படம் பார்ப்பேன்"   

"பதிவு எங்கே எழுதுவீங்க" 

"ஆபிஸ் முடிந்து வீட்டுக்கு சென்றதும் கம்ப்யூட்டர் ஆன் பண்ணுவேன் நாளை என்ன பதிவு போட வேண்டும் என்று எழுதி வைத்து விடுவேன் ஞாயிற்று கிழமைகளில் இரண்டு முன்று பதிவு எழுதி வைத்து கொள்வேன் அதை பதிவிடுவேன்." 

"ஞாயிற்று கிழமை எல்லாம் வெளியே போக மாட்டிர்களா..? குடும்பத்தை அன்று ஒரு நாளாவது அழைத்து கொண்டு போனால் தானே அவர்களுக்கு சந்தோசம்." 

"ஆமாம் சௌந்தர் இப்போது எல்லாம் வெளிய போக முடியலை என் மனைவியும் என்னை திட்டி கொண்டே இருகிறா என்னால் இந்த பதிவுலக போதையில் இருந்து வெளிய வரமுடியவில்லை" என்றார். 

அப்போது தான் எஸ்கே வந்தார் அவரை பார்த்து இதோ எஸ்கே வந்து விட்டான் அவனை கேட்போம் இதனால் மன அழுத்தம் ஏற்படுமா என்று... 

எஸ்கே இந்த ரேங்க் பட்டியல் ஹிட்ஸ் என்று எப்போதும் சிந்தித்து கொண்டிருப்பதால் ஏதாவது மன அழுத்தம் ஏற்படுமா? 

இணையம், கணிப்பொறி இதெல்லாம் முதலில் வேலைக்காக பயன்படுத்தப்பட்டு வந்தது. பின் இவையே பொழுதுபோக்குகவும் பயன்படுத்தப்பட்டு வருகிறது. வலைப்பூக்களில் எழுதுபவர்களில் பெரும்பாலோனர் ஒரு relief, diversion-காகதான் எழுதுகிறார்கள். அஃப்கோர்ஸ் எல்லோருக்குமே தாங்கள் கவனிக்கப்பட வேண்டும் என்ற எண்ணம் உண்டு ஆனால் அது அதிகமானால் பிரச்சினைதான். மன அழுத்தம் மிக அதிகமாகிறது. தாங்கள் முன்னணியில் இருக்க வேண்டும் என்று நினைத்து நினைத்து மனரீதியான பிரச்சினைகளை உருவாக்கிக் கொள்கிறார்கள்.

1. எந்நேரமும் அதைப் பற்றிய சிந்தித்து கொண்டிருப்பதால் மற்ற செயல்களில் முழுமையாக கவனம் செலுத்த முடியாமல் போகிறது. செய்யும் செயல்களிலும் முழுமையான பங்களிப்பை அளிக்க முடியாமல் போகும்.

2. வேலை, குடும்பம், நண்பர்கள், உறவினர்கள் என எல்லோரிடமும் பழகும் நேரம் குறைகிறது. இதனால் அவர்களுடன் மனக்கசப்பும் ஏற்படலாம்.

3. மேலும் கோபம், மன அழுத்தம்,  fantasy(எந்நேரமும் கற்பனை உலகில் சஞ்சரித்தல்), கவலை போன்ற பிரச்சினைகள் ஏற்படுகின்றது. 

4. இதைத் தவிர தலைவலி, உயர் ரத்த அழுத்தம், தூக்கமின்மை போன்ற உடல்ரீதியான பிரச்சினைகளும் ஏற்படுகிறது. மேலும் நம் நோய் எதிர்ப்பு சக்தியும் பாதிக்கப்படுகின்றது. நீண்ட நேரம் ஒரே இடத்தில் உட்காருவதால் முதுகு/இடுப்பு வலி போன்ற பிரச்சினையும், உடல் உழைப்பு குறைவதால்(அதாவது உடற்பயிற்சி இல்லாததால்) உடல் பருமன் போன்ற பிரச்சினைகளும் ஏற்படுகிறது. 

ஒரு மாணவன் பள்ளியில் ரேங்க் எடுக்கச் சொல்லி அவனை கட்டாயப்படுத்தினால் எந்த அளவு பிரச்சினைக்குள்ளாவானோ அதைப் போலவே/அதைவிட அதிகமாகவே இங்கே தங்களைத்தானே பிரச்சினையில் ஈடுபடுத்திக் கொள்கிறார்கள். 

மன அமைதிக்காகவும் சந்தோசத்திற்காகவும் கணிப்பொறியை பயன்படுத்த ஆரம்பித்து அதுவே பெரிய பிரச்சினையாகி விடுகிறது.

எஸ்கே விற்கு இது எல்லாம் எப்படி தெரியும் என்று கேட்டார் அவர். எஸ்கே மனோதத்துவம் தான் படித்து இருக்கிறார் அதனால் இவருக்கு அதை பற்றி நன்றாக தெரியும்..

என்னைப் பொறுத்தவரை வலைப்பூவில் ஓட்டு, ஹிட்ஸ், ரேங்க் இதையெல்லாம் விட உண்மையான பின்னூட்டமே நமக்கு நல்ல ஊக்கத்தை அளிக்கும் என நினைக்கின்றேன்!

எல்லாம் சரி யார் அந்த பதிவர் என்றா கேட்க்குறீங்களா அட வேற யாரும் இல்லை நம்ம மங்குனி அமைச்சர் தான் 

மதியம் சாப்பாட்டை எங்கள் வீட்டில் முடித்து கொண்டு, இரவு சாப்பாட்டிற்கு எஸ்கே வீட்டிற்கு கிளம்பி சென்றார் மங்குனி...

	Tweet