பட்டாசு வெடிப்போம்....!

பட்டாசு வெடிக்கணும் காசு கொடுங்க தாத்தா" என்று எங்க தாத்தா விடம் கேட்போம் அதற்கு எங்க தாத்தா காசை கரியாக்காதீங்கன்னு சொல்வார்...

காசை கரியாக்கும் தொழிலை நம்பி தான் சிவகாசி என்ற பெரிய ஊரே இருக்கிறது சிவகாசியை குட்டி ஜப்பான் என்று சொல்லும்அளவிற்கு உயர்ந்துள்ளது என்றால் பட்டாசு தொழிலே காரணம் 

இந்தியாவில் தயாராகும் பட்டாசுகளில், 90 சதவீதம் சிவகாசியில்தான் தயாராகிறது. எவ்வளவு நாகரிகம் வந்தாலும், வளர்ந்தாலும் பெரியவர்களின் சந்தோஷம் என்பது குழந்தைகளை சார்ந்தே இருக்கிறது. குழந்தைகளின் சந்தோஷம் என்பது, பட்டாசை சார்ந்தே இருக்கிறது. தீபாவளிக்கு அவர்களின் முதல் தேவை பட்டாசுதான்; மற்றவை எல்லாம் பிறகுதான். தீபாவளி அன்று, மக்கள் வெடிக்கும் பட்டாசுகளை தயாரிக்க, சிவகாசியில் ஆண்டு முழுவதும் உழைக்கின்றனர்....

ஆனால் இப்போது எல்லாம் பட்டாசு வெடிப்பது வெகுவாக குறைந்து விட்டது. முன்பு எல்லாம் தீபாவளிக்கு ஒரு வாரம் இருக்கும் போதே ஒரு சில இடங்களில் வெடி சப்தம் கேட்டு கொண்டே இருக்கும். இப்போது எல்லாம் ஏதோ சாஸ்திரத்திற்கு இரண்டு வெடியை வெடித்து விட்டு டிவி முன் சேர்ந்து உட்கார்ந்து கொள்கின்றனர். நாம் வருட முழுவதும் பட்டாசு வெடிக்க போவது இல்லை, வருடத்தின் ஒரு நாள் மட்டுமாவது சந்தோசமாக கொண்டாடுவோமே..!

நாம் வாங்கும் ஒவ்வொரு பட்டாசுக்களையும் நம்பி தான் இரண்டு லட்சம் குடும்பங்கள் வாழ போகிறது. இரண்டு லட்சம் குடும்பங்கள் கவுரவமாக பிழைப்பு நடத்தி வருகின்றனர். இப்படி ஆண்டு முழுவதும் உற்பத்தி செய்தாலும், பட்டாசு தேவையை சமாளிக்க முடியாமல்தான் திணறுகிறது சிவகாசி. காரணம், வடமாநிலங்களில் பட்டாசு மீது கொண்டுள்ள காதல்தான்...

நாம் சந்தோசமாக பட்டாசு வெடிக்க எத்தனை பேர் உயிரை இழந்தார்களோ தெரியாது. இருந்தும் ஏன் இவர்கள் இதே வேலையை செய்கிறார்கள் என்றால் வேறு வேலை கிடையாது பட்டாசு தீப்பெட்டி தவிர அடுத்து இவர்கள் செய்யும் வேலை பிரிண்டிங் வேலை மட்டும் தான்...

இவர்கள் பட்டாசு தொழில் நன்றாக போய் கொண்டு இருக்கும் பொழுது ஏன் இவர்கள் புதிய புதிய ரகங்கள் எல்லாம் உற்பத்தி செய்து கொண்டே வருகிறார்கள் பட்டாசு மீது இருக்கும் காதல் குறைந்து விட கூடாது என்பதற்காக தான். 

காசு கொடுத்து வாங்கும் பட்டாசு வெடித்த பிறகு கரியாகத்தான் போகிறது என்றாலும், அந்த கரிக்கு பின்னால் இரண்டு லட்சம் குடும்பங்களின் வாழ்வாதாரம் ஒட்டிக்கொண்டு இருக்கிறது. இந்த தீபாவளிக்கு நீங்கள், உங்களது காசை கரியாக்கலாம்தானே...! எல்லாவற்றிக்கும் மேலாக நமது சந்தோசமும இருக்கிறது....! 

நாம எல்லாம் சின்ன வயதில் பட்டாசு வெடிக்கறதுக்கு எவ்வளவு சந்தோசம் படுவோம் ஆனா, இப்போது இருக்கிற அப்பா அம்மா எல்லாம் சின்ன வயதில் நன்றாக பட்டாசு வெடிக்க வேண்டும் என்று ஆசையாக இருந்து இருப்பாங்க இப்போது அவர்களே தன் குழந்தைகளுக்கு பட்டாசு வாங்கி தராமல் உனக்கு பட்டாசு வேண்டாம் மோதிரம் எடுத்து தரேன் எக்ஸ்ட்ரா டிரஸ் எடுத்து தரேன் சொல்றாங்க.இப்போது உள்ள அப்பாக்கள் எல்லோரும் பட்டாசு கொளுத்தினா காசு கரியாகிவிடும்னு சொல்லுராங்களே ஏன்...உங்களுக்கு ஒரு சட்டம் குழந்தைகளுக்கு ஒரு சட்டமா..?

வருமானவரியும் விற்பனை வரியும் அதிகம் செலுத்தும் நகரங்களில் சிவகாசியும் ஒன்று...!  

கே.ஆர்.பி செந்தில், தேவா, அருண், மங்குனி, பன்னிக்குட்டி ராமசாமி, இம்சை அரசன் பாபு, எல்லாரும் அவங்க அவங்க குழந்தைக்கு நல்ல Fancy வெடி எல்லாம் வாங்கி தரணும் குறைந்தது ஒரு 10,000 ரூபாய்க்கு வாங்கி தரணும் 

ரமேஷு , Terror ,கோமாளி எல்லோரும் நிறைய பட்டாசு வாங்கி வைத்து கொண்டு பொண்ணுங்க புது டிரஸ் போட்டு கிட்டு வரும் போது தலையில் வைத்து கொளுத்துறது, கையில் பிடித்து கொளுத்துறது இப்படி ஏதாவது சில்மிஷம் பண்ணா அது தான் கடைசி தீபாவளி....! ஒழுங்கா பத்திரமா பார்த்து பட்டாசை வெடிக்கணும்...! 

இருங்க இருங்க தேவா என்னமோ தேடுறார்...! (தேடல்) என்னனு கேட்கிறேன் 

இல்லை... போன வருசம் வாங்கிய பட்டாசை தேடுறேன்...!  

சந்தோசம் தான் வாழ்க்கை நல்லா சந்தோஷமாக தீபாவளி கொண்டாடுங்கள்....தீபாவளி நல்வாழ்த்துக்கள்...      

  

	Tweet